Financial planning : काळाचा वेध घेणारी माणसे नेहमीच यशस्वी होतात असे म्हणतात. आज पेक्षा भविष्याकडे नजर ठेवून कार्यरत असणारी पिढी निर्माण होणे गरजेचे आहे.
आपल्या उज्वल भविष्यासाठी आर्थिक योजना तयार करणे ही सध्याच्या घडीची सर्वात महत्वाची गोष्ट आहे.
तुम्ही स्वतःसाठी आणि तुमच्या कुटुंबाच्या उजवळ भविष्यासाठी योजना करणे आणि ती नीट अमलात आणणे ही आजची गरज आहे.
अशी दूरदृष्टी ठेवून आखलेली आर्थिक योजना दीर्घकालीन आर्थिक उद्दिष्टे साध्य करण्यात, कमावलेले पैसे अधिक प्रभावीपणे गुंतणवक करण्यात मदतगार ठरतील.
अनपेक्षित आर्थिक घटनांसाठी रेडी राहण्यास मदत करू शकते.
भविष्यासाठी नियोजनबद्ध आर्थिक योजना तयार करणे इतके महत्त्वाचे का आहे?
आर्थिक उद्दिष्टये लिहून काढा
भविष्यात काय काय करायचं आहे, काय स्वप्न आहेत, कोणत्या गोष्टी पूर्ण करायच्या आहेत ह्यासाठीची एकूण एक गोष्ट लिहून काढावी.
अशी आर्थिक उद्दिष्टे आणि प्राधान्यक्रम म्हणजे कोणती गोष्ट कधी पूर्ण व्हावी ह्यासाठी निश्चित केलेली वेळ ठरवण्यास मदत होईल.
उदा – सेवानिवृत्तीसाठी बचत असो, घर खरेदी करणे असो किंवा तुमच्या मुलाच्या शिक्षणासाठी पैसे देणे असो. विशिष्ट उद्दिष्टे ठरवून आणि त्यांच्या दिशेने कार्य केल्याने, तुम्हाला ते साध्य करण्याची अधिक शक्यता असेल.
बजेट तयार करा
नीट केलेले आर्थिक नियोजन तुम्हाला बजेट तयार करण्यात आणि त्यावर टिकून राहण्यास मदत करू शकते.
बजेटसह, तुम्ही तुमची कमाई आणि खर्चाचा मागोवा घेऊ शकता.
ज्या ज्या गोष्टीवर तुम्ही खर्च कमी करू शकता ते ओळखून ते खर्च कमी करणे सुरु करता येईल. ह्याद्वारे खर्च कमी होतील आणि कर्ज असल्यास ते कमी करणे शक्य होईल.
हेही वाचा : Accounting Career : अकौंटिंग मध्ये नेमकं काय करियर घडू शकते…?
स्मार्ट रिटायरमेंटसाठी योजना
आर्थिक नियोजनातील सर्वात महत्त्वाची बाब म्हणजे सेवानिवृत्तीचे नियोजन. एक सुव्यवस्थित आर्थिक योजना तुम्हाला निवृत्तीसाठी किती बचत करावी लागेल याचा अंदाज लावण्यास मदत करू शकते.
नोकरीच्या सुरुवातीच्या काळातच ह्यासाठीची सुरुवात करून आणि नियमितपणे बचत करून स्मार्ट रिटायरमेंट प्लॅनिंग करू शकाल.
अनपेक्षित खर्चाची तयारी करा
कल किसने देखा..? अनपेक्षित घटना कधीही घडू शकतात. अचानक उद्भवणारे आजारपण किंवा नोकरी गमावणे ह्यासारख्या गोष्टींना सामोरे जनाची तयारी करण्यासाठी निश्चित अश्या आर्थिक योजना तुमच्याकडे असणे आवश्यक असते.
इमर्जन्सी फंड आणि विमा पॉलिसी घेऊन तुम्ही ह्या गोष्टी प्लॅन करू शकता.
आपले आर्थिक आरोग्य सुधारा
शारीरिक आरोग्याकडे तुम्ही जसे लक्ष देणे आवश्यक आहे, तसेच आर्थिक आरोग्याकडे कायमच सजगतेने लक्ष देऊन ते कायमच सुधारत राहील ह्याकडे लक्ष देणे आवश्यक आहे.
आयुष्यातले ताण कमी करण्यासाठी नियमित आर्थिक आरोग्याकडे लक्ष देणे आवश्यक आहे.
शेवटी, दीर्घकालीन आर्थिक उद्दिष्टे साध्य करण्यासाठी, पैसे यशस्वीरीत्या वाढते राहण्यासाठी आणि अनपेक्षित घडामोडींसाठी आर्थिक योजना तयार करणे आवश्यक आहे.
