Wednesday , 10 April 2024
Home FinGnyan How smart investors are made : स्मार्ट इन्व्हेस्टर कसे घडतात?
FinGnyan

How smart investors are made : स्मार्ट इन्व्हेस्टर कसे घडतात?

How smart investors are made : Finntalk

How smart investors are made : हुशारीने गुंतवणूक करताना काळजीपूर्वक विचार, विचारपूर्वक संशोधन आणि दीर्घकालीन गुंतवणुकीचा दृष्टीकोन ह्या गोष्टींचा समावेश होतो.

सुज्ञपणे गुंतवणूक करण्यात मदत व्हावी ह्यासाठी काही प्रमुख गोष्टी येथे मांडत आहोत. गुंतवणूक ही कायम विचारपूर्वक करणे फायदेशीर असते.

गुंतवणुकीची उद्दिष्टे सर्वप्रथम निश्चित करा

आपली गुंतवणूक उद्दिष्टे लिहून काढा. मग ती सेवानिवृत्तीसाठी बचत करणे, घर खरेदी करणे किंवा तुमची संपत्ती वाढवणे अशी कोणतीही असोत.

स्पष्ट उद्दिष्टे लिहून काढल्याने योग्य गुंतवणुकीचे निर्णय घेण्यास आपल्याला मदत होते.

स्वतःला शिक्षित करा :

म्हणजे काय तर अर्थनियोजनाच्या बाबी तज्ज्ञाकडून नीट समजावून घेऊन नन्तर काय अभ्यास करत राहणे आवश्यक आहे.

स्टॉक, बाँड, म्युच्युअल फंड, रिअल इस्टेट किंवा इतर सुरक्षित गुंतवणूक पर्याय यांसारख्या विविध गुंतवणूक पर्यायांबद्दल नीट जाणून समजून घ्या.

त्यांची जोखीम, संभाव्य परतावा आणि आपल्या लिखित गुंतवणूक धोरणात कसे बसतात ते समजून घ्या. कागदावर एकेक नीट मांडणी करा.

तुमच्या पोर्टफोलिओमध्ये वैविध्य आणा :

जोखीम कमी करण्यासाठी वैविध्य महत्त्वाचं आहे. गुंतवणूक एकाच प्रकारच्या पॅटर्ननुसार करू नये. विविध प्रकारच्या गुंतवणूक संदर्भातील स्कीम्स अभ्यासून पैसे हळू हळू गुंतवणे सुरु करा.

अशा प्रकारे, एखादी गुंतवणूक खराब कामगिरी करत असल्यास, इतर इन्व्हेस्टमेंट नुकसान भरून काढू शकतात.

रिस्क लेव्हल निश्चित करा

तुमची जोखीम हाताळण्याची इच्छा आणि क्षमता यांचे सर्वप्रथम मूल्यांकन करा. तुमची आर्थिक परिस्थिती, वेळ, बाजारातील चढउतारांसह, भावनिक गरज यांचा विचार करा.

हेही वाचा : IBPS मार्फत 8 हजारांपेक्षा अधिक जागांवर भरती होणार; अर्ज कसा आणि कुठे करायचा?

काही गुंतवणूकदार स्थिर गुंतवणुकीला प्राधान्य देतात, तर आक्रमक गुंतवणूकदार उच्च-जोखीम संधी शोधू शकतात.

आपण आपल्या गरजेनुसार कुठे बसतो ह्याकडे लक्ष देणे आवश्यक असते.

वार्षिक बजेट आणि आपत्कालीन परिस्थितीसाठी निधी तयार करा :

मोठ्या प्रकारातील गुंतवणूक करण्यापूर्वी सर्वात आधी एक मजबूत आर्थिक पाया तयार करा.

तुमचे उत्पन्न आणि खर्च नीट मॅनेज करता यावेत ह्यासाठी बजेट करण्याची सवय लावा. अनपेक्षित आर्थिक अडथळे आल्यास तीन ते सहा महिन्यांच्या राहणीमान खर्चासह आपत्कालीन निधी तयार असेल असे पाहावे.

लवकर सुरुवात करा आणि सातत्य ठेवा

गुंतवणुकीत वेळ ही खरी मौल्यवान संपत्ती आहे. तुम्ही जितक्या लवकर सुरुवात कराल तितकीच गुंतवणूक चक्रवाढ व्याजातून वाढायला लागेल. चान्स पे डान्स म्हणतात ते हेच.

सखोल संशोधन करा :

विशिष्ट नव्या गुंतवणुकीचा विचार करताना सखोल संशोधन करा. कंपनीचे आर्थिक, उद्योग कल, स्पर्धात्मक भविष्य आणि भविष्यातील वृद्धीचे विश्लेषण करा. माहितीपूर्ण निर्णय घेण्यासाठी तज्ञांची मते विचारात घ्या.

भावनांवर नियंत्रण ठेवा

भावनात्मक निर्णय घेऊन गुंतवणुकीकडे बघू नका. एखाद्यावेळी गुंतवणुकीचे चुकीचे निर्णय घेतले जाऊ शकतात.

बाजारातील हालचालींवर आधारित आवेशपूर्ण व्यवहार करणे टाळा. दीर्घकालीन दृष्टीकोन ठेवा आणि तुमच्या गुंतवणूक धोरणाला चिकटून राहा.

गुंतवणुकीत जोखीम असते आणि परताव्याची कोणतीही हमी नसते हे आधी लक्षात ठेऊन मगच गुंतवणुकीकडे पाहिले पाहिजे.

शिस्तबद्ध रहा आणि अल्पकालीन चढउतारांऐवजी दीर्घकालीन संपत्ती जमा करण्यावर लक्ष केंद्रित केले तर सांर्त गुंतवणूकदार म्हणून आपण गणले जाऊ.

Related Articles

A Rise of Bata Footwear : बाटा फुटवेअरचा उल्लेखनीय उदय.

A Rise of Bata Footwear : एका शतकापूर्वीच्या सुरुवातीपासून ते आजच्या जागतिक...

Wipro Industries Soaring to New Heights : विप्रो इंडस्ट्रीजची यशोगाथा

Wipro Industries Soaring to New Heights : जागतिक तंत्रज्ञान आणि वाढत्या गतिमान...

The Remarkable Rise of Adani Industries : अदानी इंडस्ट्रीजची एक यशोगाथा

The Remarkable Rise of Adani Industries : अदानी इंडस्ट्रीजची सुरुवात कशी झाली?...